Пракуратура адмовіла ў распачынанні крымінальнай справы ў дачыненні да старшыні Буда‑Кашалёўскага райвыканкама, які ўчыніў наезд са смяротным зыходам на жыхарку вёскі Калініна.
Вадзіцель, кіруючы аўтамабілем «Ніва‑Шэўрале», учыніў наезд на веласіпедыстку — мясцовую жыхарку, якая памерла на месцы. Аўтамабілем кіраваў старшыня Буда‑Кашалёўскага райвыканкама Мікалай Чарныш.
Як паведаміў БелаПАН следчы пракуратуры Гомельскай вобласці Аляксандр Шчаглоў, у выніку даследчай праверкі было ўстаноўлена, што ў дзеяннях вадзіцеля адсутнічае склад злачынства. «Па выніках аўтатэхнічнай праверкі было ўстаноўлена, што вадзіцель Чарныш не меў тэхнічнай магчымасці прадухіліць ДТЗ», — удакладніў следчы.
Сведка ДТЗ Алена Дударава паведаміла БелаПАН, што 22 красавіка яна са сваёй калегай Лідзіяй Ткачовай ехала па абочыне дарогі на веласіпедзе з працы — малочна‑таварнай фермы. «Пасля нейкага ўдару я апынулася ў кювеце. Калі выбралася на дарогу, то ўбачыла Ліду, якая ляжала на дарозе ў крыві. Крыху далей стаяла машына, з якой выйшаў наш старшыня райвыканкама. Хачу заўважыць, што, калі мы ехалі, траса была пустая, не ехалі ніякія сустрэчыя машыны. Як ён мог яе падбіць — не разумею», — здзівілася А.Дударава.
Дачка загінулай Вольга паведаміла БелаПАН, што сваякі нябожчыцы не згодныя з рашэннем пракуратуры аб адмаўленні ў распачынанні крымінальнай справы. «Нашу маці забілі, і нікому няма ніякай справы. А старшыня райвыканкама як працаваў, гэтак і працуе. Яму, напэўна, нават і штрафу не далі. Мы будзем скардзіцца на дзеянні міліцыі і пракуратуры», — сказала Вольга.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый39
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары