Алесь Мазанік гатовы кампенсаваць Васілю Ананічу страчаную прэмію.
У пачатку кастрычніка культурніцкі актывіст Алесь Мазанік дабіўся ад дырэктара аўтобуснага парка №2 Ігара Журка прыбраць з аднаго з аўтобусаў расійскі сцяг. Дырэктар Журок паведаміў таксама, што кіроўцу Васілю Ананічу паменшылі памер прэміяльнай аплаты за верасень 2013.
Паведамленне ў прэсе пра той выпадак выклікала рэзананс і абмеркаванне на форумах. Частка чытачоў прапанавала Мазаніку кампенсаваць кіроўцу страчаную прэмію.
Як піша газета «Новы час», Алесь Мазанік прыслухаўся да гэтых прапановаў. Ён вырашыў кампенсаваць кіроўцу прэмію і замірыцца з дапамогай пляшкі каньяка, а таксама падарыць Васілю Ананічу кнігу Уладзіміра Арлова «Краіна Беларусь» з імянным аўтографам.
Гэтую кнігу Мазанік лічыць «найлепшай энцыклапедыяй гісторыі нашай Бацькаўшчыны», і ўпэўнены, што з яе дапамогай зможа данесці свае перакананні да Васіля.
У аўтапарку адмовіліся арганізаваць сустрэчу з кіроўцам, таму Мазанік даслаў кнігу і ліст з прапановай кампенсацыі поштай.
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары