У стужцы пойдзе гаворка пра гісторыю пастаноўкі класічнага мастацкага фільма студыі Дыснэй «Мэры Попінз».
Калі Уолт Дысней паабяцаў сваім дочкам зняць кіно паводле іх ўлюбёнай казкі Памэлы Трэверс «Мэры Попінз», ён нават не ўяўляў, што на выкананне гэтага абяцання спатрэбіцца больш за дваццаць гадоў. У спробе атрымаць правы на экранізацыю кнігі, Уолт сутыкнуўся з нязгодлівай брытанскай пісьменніцай, якая не хацела, каб яе гераіня была «сапсаваная» галівудскім падыходам да стварэння фільмаў. Толькі ў пачатку 60-х яна пагадзілася асабіста прыехаць у Лос-Анжэлес і пачаць перамовы аб экранізацыі.
На працягу двух тыдняў 1961 года, пакуль доўжыліся перамовы з Трэверс, Уолт Дысней выкарыстаў усе хітрыкі. Ён прэзентаваў ідэі і эскізы да фільма, спрабаваў ўразіць пісьменніцу цудоўнай музыкай, напісанай таленавітымі кампазітарамі братамі Шэрман, і нават зладзіў экскурсію ў Дыснэйлэнд. Аднак Трэверс не ішла ні на якія ўгаворы, і знакаміты кінематаграфіст ледзь было не адмовіўся ад сваёй задумы…
Каментары