З 21 па 25 ліпеня з-за работ на ўчастку Асіповічы — Бабруйск адмяняюцца некаторыя цягнікі
Некаторыя цягнікі адмяняюцца з 21 па 25 ліпеня з-за работ на ўчастку Асіповічы — Бабруйск. Аб гэтым паведамілі ў прэс-цэнтры Беларускай чыгункі.
Размова ідзе аб работах па мадэрнізацыі ўстройстваў чыгуначнай аўтаматыкі.
Часова не будуць курсіраваць цягнікі нумар 744/743 Мінск — Бабруйск (з 22 па 25 ліпеня), нумар 746/745 Мінск — Бабруйск (з 21 па 25 ліпеня), нумар 742 Мінск — Жлобін (з 21 па 24 ліпеня), нумар 741 Жлобін - Мінск (з 22 па 25 ліпеня), нумар 615/622 Гомель — Мінск (з 22 па 24 ліпеня). У сувязі з гэтым прадстаўнікі БЧ просяць пасажыраў, які ўжо набылі білеты на пералічаныя саставы, звярнуцца ў чыгуначныя касы. Ім вернуць поўны кошт праязных дакументаў.
Акрамя таго, у прэс-цэнтры расказалі, што з 21 па 25 ліпеня будзе зменены расклад руху некаторых цягнікоў на ўчастку Мінск — Жлобін. У тым ліку зменены час адпраўлення і прыбыцця цягнікоў, якія курсіруюць па маршрутах Гомель — Мінск, Адэса — Мінск, Мінск - Сімферопаль, Жытомір - Баранавічы.
Беларуская чыгунка просіць прабачэння ў пасажыраў за прычыненыя нязручнасці і раіць сачыць за змяненнямі ў раскладзе руху цягнікоў.
Больш падрабязную інфармацыю можна атрымаць у касах чыгуначных вакзалаў, а таксама ў даведачных службах БЧ.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары