Абвешчаныя намінанты на прэмію Сахарава, сярод іх — актывісты «Еўрамайдана»
Сталі вядомыя імёны прэтэндэнтаў на прэмію імя Сахарава «За свабоду думкі». Аб гэтым паведамляецца на сайте Еўрапарламента.
Сямёра намінантаў былі абраныя палітычнымі групамі і дэпутатамі Еўрапарламента. 7 кастрычніка камітэт ЕП па правах чалавека абярэ трох фіналістаў. Лаўрэат прэміі будзе вызначаны 16 кастрычніка. Цырымонія ўзнагароджання запланаваная на 26 лістапада.
У склад намінантаў уключаны «Еўрамайдан», які вылучылі прадстаўнік Еўрапейскай народнай партыі Яцэк Сарыюш-Вольскі (Польшча) і яшчэ 52 дэпутата.
Па рашэнні парламентарыяў, Еўрамайдан прадстаўляюць украінскія грамадскія актывісты Мустафа Наем, Руслана Лыжычка, Таццяна Чарнавіл і Лізавета Шчапятыльнікава.
Сярод астатніх намінантаў: забіты ў Іраку прафесар, які ўступіўся за хрысціян, Махмуд Аль-Асалі; актывіст у Марока Муад Белгуат; рэпер з Туніса Ала Якобі; егіпецкі блогер Ала Абдэль Фатах; арганізацыя CHREDO; нідэрландскі палітык і сябра Народнай партыі за свабоду і дэмакратыю Айаан Алі Хірсі, кангалезскі гінеколаг Дэніс Муквегэ і праваабаронца з Азербайджана Лэйла Янус.
Як вядома, грашовы фонд прэміі Сахарава складае 50 тыс. еўра.
Цяпер чытаюць
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары