Аляксандар Макаеў і Аляксандар Цацура, якія нават не ўдзельнічалі ў мітынгу і шэсьці, атрымалі па 7 і 10 сутак адпаведна.
Вінаватым у арганізацыі несанкцыянаванага мітынгу і шэсьця да плошчы Незалежнасьці суд Цэнтральнага раёну прызнаў аднаго з прадпрымальніцкіх лідэраў Віктара Гарбачова. Ён атрымаў 15 сутак адміністрацыйнага арышту. Віктара Калея і Віктара Крываля ў тым жа судзе абвінавацілі ў актыўным удзеле ў несанкцыянаваным мерапрыемстве. Прысуд — 10 і 15 сутак арышту адпаведна. Журналіста Барыса Гарэцкага асудзілі на 7 сутак.
Заўтра над А. Макаевым адбудзецца яшчэ адзін суд — аб 11‑й гадзіне ў Ленінскім судзе. За некалькі дзён да мітынгу яго затрымалi ў офісе Беларускага кангрэса дэмакратычных прафсаюзаў. З офіса былі канфіскаваныя ўлёткі да мітынгу, а супраць Макаева склалі пратакол за «дробнае хуліганства». У суд прадпрымальніка прывязуць наўпрост з спэцпрыёмніка.
Як заявіў прэс‑цэнтру Хартыі’97 перад пачаткам судовага працэсу сп. Макаеў, «прадпрымальнікі не павінны ісьці на перамовы з уладамі, пакуль усе, хто ішоў у абарону іх правоў, знаходзяцца ў турме».
Прысуды ўдзельнікам мітынгу выносілі судзьдзі Ясімовіч, Самасейка, Бычко, Казак.
Нагадаем, што лідэры прадпрымальнікаў выставілі ўладам ультыматум: у выпадку, калі хтосьці з затрыманых учора прадпрымальнікаў ня зможа ўдзельнічаць у перамовах, альбо перамовы гэтыя будуць фармальнымі, ці спробай зацягнуць час, зь 1 студзеня прадпрымальнікі пачынаюць бестэрміновы страйк.
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары