Поўная версія кліпа на песню «Сасна пахілілася» будзе прадстаўленая 27 лютага на канцэрце ў Studio 67.
Тызер кліпа:
Фольк-гурт Vuraj зняў свій дэбютны відэакліп на песню «Сасна пахілілася» з альбома «Раёк». Але сам гурт пакуль не бачыў выніковую работу рэжысёра, распавядае Generation.by.
Гурт дамовіўся зрабіць кліп з рэжысёрам Арцёмам Лобачам, работы якога ўдзельнікам гурта заўжды падабаліся, ды далі рэжысёру самому абраць песню.
Рэжысёр абраў «нефарматную» 7-хвілінную песню «Сасна пахілілася».
Лідар гурта Сяргей Доўгушаў тлумачыць: песня спалучае і нэа-фольк, і класічны фольк, і мінімалізм. «Сасна» — хрэсьбінны спеў, рэдкая з’ява, што сустракаецца пераважна ў беларускай культуры. Як у песні, так і ў кліпе заўважнае спалучэнне хрысціянства з язычніцкімі традыцыямі.
Кліп здымаўся на Гродзеншчыне ў натуральных умовах.
Гурт страціў асвятленне, зламалася дым-машына — прыйшлося выкарыстоўваць натуральнае святло і разводзіць вогнішчы.
Выніковую версію сам гурт пакуль не бачыў. Нават сцэны з акторамі рэжысёр здымаў асобна. Але Доўгушаў мяркуе, што кліп выйдзе добрым: «Мы думаем, што кліп можна будзе паказаць на замежных кліпавых і кіна-фэстах, ягоная асноўная каштоўнасць – праца рэжысёра Арцёма Лобача, які стварыў кароткі мастацкі фільм на аснове нашай песні, і выдатная праца аператара Аляксандра Алейнікава».
Прэзентацыя кліпу адбудзецца 27 лютага на канцэрце ў Studio 67 (Партызанскі пр-т, 2а). Пачатак у 19:00, уваход вольны.
Цяпер чытаюць
«Чаго з людзей здзекуецеся?!» Лукашэнка загадаў прыбраць маршруткі47
Каментары