Валанцёры два месяцы шукалі самыя брудныя месцы краіны.
Сусветная акцыя па прыборцы смецця «Let’s do it!», што па-беларуску атрымала назву «Зробім!», пройдзе ў двух дзясятках беларускіх гарадоў у суботу, 16 мая.
Ахвочыя далучыцца могуць абраць на сайце праекта адно з месцаў, прапанаваных для суботніка. Валанцёры абіралі засмечаныя месцы як у вялікіх гарадах, так і ў далёкіх лясах ды вадаёмах.
Як сцвярджаюць арганізатары, удзельнікі «Зробім!» прыбяруць там, «дзе ніхто іншы гэтага не зробіць». У час «альтэрнатыўнага суботніка» будзе не толькі прыбранае (і па магчымасці здадзенае на перапрацоўку) само смецце, але і ўсталяваныя кантэйнеры побач з вялікімі скопішчамі адкідаў.
Мэта акцыі ў 2015 годзе — дасягнуць удзелу ва ўборцы 1% насельніцтва Беларусі ды здаць на перапрацоўку больш за 30% сабранага смецця.
Беларусь бярэ ўдзел у «сусветнай уборцы» з 2012 года. Ініцыятыва нарадзілася ў Эстоніі, дзе ў 2008 годзе на вялікую ўборку выйшлі 50 тысяч чалавек. У мінулым годзе да акцыі далучыліся 120 краін свету.
Зарэгістравацца на ўдзел у «Зробім!» >>>
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый58
Каментары