Фінал рэгіянальнага конкурсу адбыўся ў Гродзенскім абласным драматычным тэатры. У маляўнічым шоу прынялі ўдзел 16 прэтэндэнтак на карону, яны прайшлі конкурсныя адборы, якія доўжыліся з пачатку года. Па словах прадзюсара шоу Ігара Ляговіча, на працягу двух месяцаў фіналісткі актыўна рыхтаваліся да будучай падзеі, навучаліся навыкам дэфіле, асновам сцэнічнай мовы і акцёрскага майстэрства, харэаграфіі, удзельнічалі ў прымерках, здымках і фотасесіях.
Уладальніцай кароны каралевы прыгажосці «Міс Гродна – 2015» стала Вольга Пазняковіч. Тытул першай віцэ-міс журы прысудзіла Наталлі Ракач, другой віцэ-міс – Паліне Кузьміной. Акрамя таго, традыцыйна была абраная міс глядацкіх сімпатый, а таксама ўладальніцы тытулаў, заснаваных спонсарамі і ўдзельнікамі мерапрыемства.
Дзяўчаты атрымалі прызы ад спонсараў конкурсу, якімі штогод становяцца дзяржаўныя і прыватныя прадпрыемствы Гродна, замежныя партнёры. Напрыклад, адна з фіналістак запрошаная стаць вядучай серыі тэлеперадач на абласным тэлебачанні, іншых заахвоцілі сертыфікатамі на прафесійныя фотасесіі і ўручылі каштоўныя прызы.
Пасля ўзнагароджання ў драматычным тэатры адбыўся баль у гонар прыгажунь, паведамляе БЕЛТА.
Вольга Пазняковіч - студэнтка пятага курса ГрДУ імя Янкі Купалы. Яе спецыяльнасць - турызм і гасціннасць, дадае «Вечерний Гродно».
Цяпер чытаюць
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка8
Каментары