У сераду прайшло дзевяць матчаў першага тура футбольнай Лігі чэмпіёнаў.
У тым ліку перанесеная з аўторка з прычыны залевы гульня «Манчэстэр Сіці» — «Барусія» Мёнхенгладбах. Тут англійскі клуб разграміў немцаў — 4:0. Хет-трык у Серхіа Агуэра, гол у Іхеаначэ.
«Лестэр», які стаў не толькі адкрыццём англійскай прэм’ер-лігі, але і ўвогуле еўрапейскага клубнага футбола ў мінулым сезоне, упэўнена разабраўся ў гасцях з «Бруге» — 3:0 (Олбрайтан, 5, Марэз, 29, 61-пен.).
У гэтай жа групе «Порту» і «Капенгаген» згулялі ўнічыю — 1:1.
Дортмундская «Барусія» разграміла ў гасцях варшаўскую «Легію» — 6:0.
Палякі 20 гадоў не гулялі ў групавым раўндзе і вось такое расчараванне для заўзятараў.
Сенсацыя ледзь не грымнула ў Мадрыдзе, але «Рэал» спачатку высілкамі Крышціяну Раналду здолеў зраўняць лік са «Спортынгам», а потым вырваў перамогу — 2:1 (Марата, 90+5).
Іншыя вынікі: ЦСКА — Баер — 2:2, Тотэнхем — Манака — 1:2;
Ювентус — Севілья — 0:0, Ліён — Дынама Заграб — 3:0,
Матчы 2-га тура пройдуць праз два тыдні.
Цяпер чытаюць
Як выглядае помнік на магіле Рамана Бандарэнкі ФОТАФАКТ1
Каментары