Сем гадзін да Варшавы: як цягнік «Стрыж» пераходзіць на еўракаляіну за 20 хвілін ФОТА, ВІДЭА
Брэст прыняў першы хуткасны цягнік Swift Масква — Берлін, абсталяваны сістэмай аўтаматычнай змены шырыні колавых пар. TUT.BY паглядзеў, як сучасны састаў за 20 хвілін спраўляецца з тым, на што ў звычайнага сыходзіць каля дзвюх гадзін.
Тут і ніжэй фота: Станіслаў Коршунаў, TUT.BY
Пераводную прыладу на станцыі Брэст усталявалі яшчэ летась. Абсталяванне размясцілі ў вялікім ангары недалёка ад будынка пункта перастаноўкі пасажырскіх вагонаў. З аднаго боку да яго вядзе шырокая каляіна, з другога — вузкая. Пасярэдзіне — тая самая пераводная прылада, якая перамяшчае рассоўныя колавыя пары.
Пакуль адзіным «спажыўцом» гэтай сістэмы з'яўляецца хуткасны цягнік Swift («Стрыж») Масква — Берлін. Першы састаў брэсцкія чыгуначнікі прынялі ў ноч з 17 на 18 снежня.
Прынцып працы сістэмы:
У новы ангар цягнік прыбыў каля 00.30. Акрамя брэсцкіх спецыялістаў, яго сустракалі таксама калегі з іспанскай кампаніі Patentes Talgo S.L.
На еўрапейскую каляіну Swift перайшоў прыкладна за 20 хвілін. Пры гэтым раней на гэтую працэдуру патрабавалася каля дзвюх гадзін. Паралельна ў вагонах пасажыры праходзілі мытны і памежны кантроль.
Як паведамлялася, дзякуючы запуску «Стрыжа» час у шляху паміж Масквой і Берлінам скароціцца на чатыры гадзіны — адлегласць у 1898 кіламетраў новы цягнік будзе пераадольваць прыкладна за 20 гадзін, а дабрацца з Мінска ў Берлін можна будзе за 12 гадзін.
«Стрыж» будзе курсаваць два разы на тыдзень. Цана квіткоў Мінск — Берлін: у купэйным вагоне — 312 рублёў 13 капеек, у сядзячым — 236 рублёў 61 капейка, люкс — ад 435 рублёў і вышэй.
А з Мінска да Варшавы можна будзе дабрацца за 7 гадзін. Цана квіткоў: 215 рублёў 38 капеек купэйны вагон, ад 177 — за месца ў сядзячым і ад 317 рублёў у вагоне класа люкс.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары