Медыкі не рэкамендуюць насіць на марозе металічныя ўпрыгажэнні, каб пазбегнуць халадавых траўмаў. Пра гэта паведаміла сёння на брыфінгу па ліквідацыі наступстваў цыклона «Аксель» ў прэс-цэнтры БелТА намеснік начальніка галоўнага ўпраўлення арганізацыі медыцынскай дапамогі Міністэрства аховы здароўя Людміла Жылевіч.
Таксама не варта курыць, бо курэнне памяншае перыферыйную цыркуляцыю крыві, што робіць канцавіны больш уразлівымі да абмаражэння. Абмаражэнню спрыяюць і вільготнасць паветра, паслабленне здароўя хворага, алкагольнае ап'яненне. Верагоднасць абмаражэння на ветры значна вышэйшая.
Абмаражэнне нярэдка падступае непрыкметна, без болю, таму неабходна часцей правяраць адчувальнасць скуры твару, пастаянна варушыць пальцамі рук і ног. Пры моцным ветры лепш атуліць твар шалікам. Пажадана больш рухацца. Абмаражэнню часцей за ўсё падвяргаюцца пальцы ног і рук, нос і вушы.
Рэкамендуецца насіць свабоднае адзенне і абутак: гэта спрыяе нармальнай цыркуляцыі крыві. Вопратка абавязкова павінна быць непрамакальнай. У боты трэба пакласці цёплыя вусцілкі, а замест баваўняных шкарпэтак надзець ваўняныя — яны ўбіраюць вільгаць. «Як толькі вы адчулі пераахаладжэнне або замярзанне канцавін, неабходна як мага хутчэй зайсці ў любое цёплае месца — краму, кафэ, пад'езд», — сказала Людміла Жылевіч.
Асаблівую ўвагу трэба надаваць дзецям. Ім не варта выходзіць на мароз без рукавіц, шапкі і шаліка. Лепшы варыянт — рукавіцы з вільгаценепрымальнай і шчыльнай тканіны, з мехам унутры. Шчокі і падбародак малых варта абараніць шалікам. У ветранае халоднае надвор'е перад выхадам на вуліцу адкрытыя ўчасткі цела лепш змазаць адмысловым крэмам.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары