Продаж алкаголю будзе абмежаваны ў сталіцы 30 мая і 10 чэрвеня ў сувязі з правядзеннем выпускных вечароў ва ўстановах агульнай сярэдняй адукацыі. Гэта замацавана рашэннем Мінгарвыканкама № 1306 ад 20 красавіка 2017 г., якое афіцыйна апублікаванае 17 мая на Нацыянальным прававым інтэрнэт-партале, паведамляюць Мінск-Навіны.
З 8:00 30 мая да 8:00 31 мая і з 8:00 10 чэрвеня да 8:00 11 чэрвеня будзе абмежаваны продаж алкагольных напояў (гарэлкі, лікёра-гарэлачных вырабаў, віна, каньяку, брэндзі, кальвадосу, шампанскага і іншых напояў з аб'ёмнай доляй этылавага спірту 7 і больш працэнтаў), за выключэннем рознічнага гандлю на аб'ектах грамадскага харчавання ў разліў.
Таксама ў названы перыяд не будзе ажыццяўляцца рознічны гандаль у гандлёвых аб'ектах півам і слабаалкагольнымі напоямі з аб'ёмнай доляй этылавага спірту не больш за 7 %.
Рашэнне ўступае ў сілу пасля яго афіцыйнага апублікавання.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары