У вёсцы Цёмны Лес Дрыбінскага раёна, дзе жыве Міхаіл Астраўцоў, патэнцыйных нявест няма, таму ўладальніку ганаровага звання конкурсу «Беларускі майстар — 2017» застаецца спадзявацца толькі на сучасныя тэхналогіі.
Як паведамляе horki.info, тэхнікай даення мужчына авалодаў яшчэ ў дзяцінстве. Амаль 7 гадоў працуе на ферме на раздою маладых кароў, якія толькі ацяліліся. «Працоўны дзень пачынаецца а шостай раніцы, а заканчваецца ў восем вечара, з перапынкамі паміж даеннямі. Ад хаты да фермы каля двух кіламетраў. Узімку — пешшу, а летам — на ровары дабіраюся, прывык». Увесь вольны час Міхаіл бавіць у агародзе. Здараецца, наведвае клуб. То бок, хлопец спартыўны і актыўны. Жыве, праўда, разам з бацькам, але ў некаторых абставінах два гаспадары ў доме — гэта толькі плюс.
Так што, беларускія нявесты, адгукніцеся! Міхаіла лёгка можна знайсці ў Аднакласніках.
Цяпер чытаюць
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»3
Каментары