У Туркменістане кнігі аўтарства мясцовага прэзідэнта і па сумяшчальніцтве актыўнага пісьменніка Гурбангулы Бердымухамедава пачалі ўголас чытаць па тэлевізары замест забаўляльных перадач. Пра гэта ідзе гаворка ў сюжэце «Настоящего времени».
«Прэзідэнт Туркменіі Гурбангулы Бердымухамедаў не толькі доктар, спартсмен і музыка, але і пладавіты пісьменнік, які напісаў больш за 40 кніг: пра лекавыя расліны, коней, гарбату і «шчаслівае жыццё», — адзначае выданне.
Цяпер кнігі прэзідэнта чытаюць па туркменскім тэлебачанні замест забаўляльных перадач.
Нагадаем, яшчэ адзін таленавіты кіраўнік — прэзідэнт Венесуэлы Нікалас Мадура — вядзе на мясцовым радыё і ТБ шоу пра сальсу.
Каментары