Сёння парламент Эстоніі ў трэцім чытанні прыняў закон, згодна з якім у краіне будзе забаронена выкарыстоўваць дзікіх жывёл у цырках, паведамляе Err.ee.
У падтрымку законапраекта выказалася пераважная большасць дэпутатаў — 83, адзін устрымаўся, галасоў «супраць» пададзена не было.
Заканадаўчая ініцыятыва прадугледжвае, што адкрыта дэманстраваць жывёліну публіцы можна будзе, толькі калі гэта дазваляе рабіць спецыфіка яе паводзін і ладу жыцця, а таксама, калі гэта адбываецца без шкоды яе здароўю.
Спіс відаў, якіх можна будзе выстаўляць на выставах, спаборніцтвах, аўкцыёнах і іншых адкрытых мерапрыемствах будзе вызначаны міністрам сельскага жыцця.
Як паведамілі абаронцы жывёл, яны ўдзячныя ўсім тым палітыкам, хто прагаласаваў за гэты закон, аднак у будучыні яны працягнуць барацьбу за тое, каб у Эстоніі было забаронена выкарыстанне ў цырку любых відаў жывёл.
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу27
Каментары