Прэзідэнта Малдовы Ігара Дадона зноў часова пазбавілі паўнамоцтваў.
Рашэнне прыняў сёння Канстытуцыйны суд у адказ на запыт аб адмове кіраўніка дзяржавы падпісваць паўторна прыняты закон (аб унясенні дапаўненняў у Кодэкс тэлебачання і радыё), піша publika.md.
Гэты законапраект прадугледжвае, у прыватнасці, барацьбу з расійскай прапагандай. Закон прайшоў канчатковае чытанне ў апошнія дні снежня, але Дадон адмовіўся яго падпісаць. Пазней дакумент перадалі яму паўторна, а ў такіх выпадках Канстытуцыя абавязвае прэзідэнта падпісаць закон.
Дадона ўжо трэці раз часова пазбаўляюць прэзідэнцкіх паўнамоцтваў.
Каментары