Расія можа пачаць пастаўку Сірыі зенітных ракетных комплексаў С-300 «Фаварыт» ужо ў найбліжэйшы час. Пра гэта са спасылкай на дзве крыніцы паведамляе маскоўская газета «Коммерсант».
Комплексы С-300 лічацца высокаэфектыўнымі, яны здольныя збіць вялікую колькасць самалётаў і ракет адначасова.
Пытанне аб перадачы арміі Сірыі гэтых комплексаў, які, па словах суразмоўцаў выдання, знаходзіўся «пераважна ў палітычнай плоскасці», практычна вырашана. Кампаненты С-300, у тым ліку радыёлакацыйныя станцыі, транспартна-зараджаючыя машыны, пункты кіравання і пускавыя ўстаноўкі, будуць дастаўлены ў Арабскую Рэспубліку альбо самалётамі, альбо караблямі расійскага флота, кажуць крыніцы газеты.
С-300 расійскі бок збіраецца перадаць Дамаску бясплатна, паведамляе выданне.
Як лічыцца, комплексаў будзе столькі, каб яны маглі прыкрыць ад магчымых удараў Ізраіля і кааліцыі на чале з ЗША не толькі Дамаск, але і некалькі вайсковых баз, на якіх размешчана сірыйская авіяцыя і знаходзяцца іранскія вайскоўцы.
Ізраіль разглядае размяшчэнне такой зброі ў Сірыі як беспасярэднюю пагрозу сваёй бяспецы. Таму Ізраіль знішчаў падобнае абсталяванне авіяўдарамі на этапе мантажу. Але гэтым разам гаворка ідзе пра сутыкненне з Расіяй.
Мяркуецца, што першыя тры месяцы комплексамі будуць кіраваць расійскія інструктары, а сірыйскія вайскоўцы будуць праходзіць навучанне поруч з імі.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары