Навукоўцы знайшлі найбольш падобную да Зямлі планету каля суседняй зоркі
Астраномы знайшлі дзве новыя падобныя да Зямлі планеты ў нашай галактыцы, і абедзве настолькі падобныя на нашую, што цяпер яны ўваходзяць у спіс 19 вядомых патэнцыйна заселеных экзапланет, піша Science Alert.
Знаходзячыся на арбіце суседняй зоркі ў сузор'і Авена, усяго за 12,5 светлавых года ад нас, адна з гэтых дзвюх планет можа мець найбольшае падабенства з Зямлёй з усіх планет, якія навукоўцы знайшлі за ўсю гісторыю назіранняў.
Планеты толькі трохі цяжэйшыя за Зямлю і размешчаны ў так званай заселенай зоне, дзе вада можа прысутнічаць у вадкай форме.
Нягледзячы на сваю блізкасць, гэтая зорка Цігардэна была выяўлена толькі ў 2003 годзе. Яна прыкладна ў дзесяць разоў лягчэйшая, чым Сонца — гэта стары чырвоны карлік, якому каля 8 мільярдаў гадоў.
На планеце Цігардэна B імавернасць узнікнення ўмеранай тэмпературы паверхні, ад 0° да 50°C, складае 60%. Teegarden C знаходзіцца далей і мае тэмпературу паверхні, больш падобную на Марс, прыкладна — 47°C.
Улічваючы іх мінімальную масу і ўздзеянне сонечнага выпраменьвання, абедзве планеты ўключылі ў каталог патэнцыйна заселеных экзапланет. Teegarden B набраў самы высокі індэкс падабенства Зямлі (ESI) за ўсю гісторыю.
Хоць гэта не абавязкова азначае, што планета сапраўды населеная.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары