Кіраўнік Чачні Рамзан Кадыраў у сваім телеграме падзякаваў Аляксандру Лукашэнку за ўручаны ордэн Дружбы, а таксама заявіў, што заўсёды лічыў і лічыць Беларусь роднай краінай.
«Аляксандр Рыгоравіч удастоіў мяне высокага гонару быць кавалерам ордэна Дружбы народаў. За гэта я глыбока ўдзячны Аляксандру Рыгоравічу. Прэзідэнт Беларусі яшчэ раз пацвердзіў сваё шчырае жаданне наведаць Чачню, пабываць у гарах Каўказа», — напісаў Кадыраў.
Таксама ён адзначыў, што Лукашэнка выказаў вялікую падзяку за выратаванне грамадзян Беларусі, якія апынуліся ў няволі ў Лівіі.
«Я заўсёды лічыў і лічу Беларусь роднай краінай, а да Аляксандра Рыгоравіча стаўлюся з вялікай павагай! Карыстаючыся выпадкам, я шчыра павіншаваў Аляксандра Рыгоравіча з пераканаўчай перамогай беларускай каманды на адкрытым чэмпіянаце па тактычнай стральбе ў Чачэнскай Рэспубліцы. Дзякуй Вам, Аляксандр Рыгоравіч! Вашу ўзнагароду лічу узнагародай для ўсёй Чачэнскай Рэспублікі!» — адзначыў кіраўнік Чачні.
Каментары