На праспекце Пераможцаў хочуць пабудаваць комплекс для Нацыянальнай акадэміі тэніса
На скрыжаванні пр. Пераможцаў і вул. Сапёраў знаходзяцца спартыўныя аб'екты Рэспубліканскага цэнтра алімпійскай падрыхтоўкі па тэнісе. Плануецца, што перад імі ўздоўж праспекта ўзвядуць новы будынак, заняўшы свабодную нішу паміж галоўным корпусам «Атланта» і гандлёвым цэнтрам. Перадпраектныя прапрацоўкі аб'екта прадставілі на гарадскім архітэктурна-горадабудаўнічым савеце, паведамляе карэспандэнт агенцтва «Мінск-Навіны».
Як растлумачыў кіраўнік творчай майстэрні «ТМ-7» Анатоль Цэйтлін, пры будаўніцтве фактычна ствараецца адзіны комплекс акадэміі тэніса, для чаго існуючую спартыўную базу трэба дапоўніць неабходнымі элементамі: басейнам, медыка-аднаўленчым цэнтрам, аб'ектам грамадскага харчавання і жылымі нумарамі для рассялення спартсменаў, якія прыязджаюць гуляць у вялікі тэніс, для дзяцей, якія тут будуць трэніравацца. Па такім жа прынцыпе ў Мінску, таксама на пр. Пераможцаў, была створана акадэмія футбола. Усё пералічанае задумана размясціць у новым будынку. Мяркуецца, што забудоўшчык узвядзе і перадасць аб'ект у бязвыплатнае карыстанне федэрацыі тэніса. Для інвестыцыйнай акупнасці праекта ў будынку прадугледжаны дадатковыя памяшканні для здачы ў арэнду, але гаворка не ідзе аб гандлі.
Што тычыцца знешняга аблічча і параметраў комплексу, то архітэктары першапачаткова паставілі сабе пэўныя абмежаванні: будынак не павінна быць вышэй размешчанага побач гандлёвага цэнтра, шкло на фасадзе максімальна прыбралі, каб не тыражаваць вобраз абрыдлых бізнэс-цэнтраў. Паколькі даўжыня будынка — 110 м, пастараліся зрабіць фасад неманатонным, умоўна падзяліўшы будынак па вышыні на тры часткі, кожная з якіх адрозніваецца. Такі прыём візуальнага дзялення фасадаў па вертыкалі характэрны для забудовы пр. Незалежнасці ў яго асноўнай часткі.
Размяшчаючы аб'ект на даволі вузкім зямельным участку, праекціроўшчыкі прадумалі, як максімальна захаваць буйныя зялёныя насаджэнні па суседстве з месцам забудовы.
-
Фіналістка Алімпіяды-2008 у лёгкаатлетычнай эстафеце кіруе ў Брэсце гарадскім аўтобусам. Як так атрымалася?
-
Партрэт палітвязня Андрэя Пачобута высвечваецца на фасадзе Прэзідэнцкага палаца ў Варшаве ФОТАФАКТ
-
У Касцюковічах дашкольнікі пад наглядам пракурора «пісалі» лісты ў іншыя краіны пра дзяржаўную сімволіку
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары