Мінскі раённы суд аштрафаваў на 20 базавых велічынь (510 рублёў) абаронцу Курапат, былога кандыдата ў дэпутаты Змітра Казакевіча, піша Радыё Свабода.
Суд, які адбыўся 18 лістапада, — чацвёрты над затрыманымі 3 лістапада каля Курапат актывістамі. Тады пасля заканчэння шэсьця на Дзяды група мітынгоўцаў пайшла да рэстарана, каб правесці там сустрэчу кандыдата з выбарцамі. Гэтак сцвярджаў Зьміцер Казакевіч у судзе.
Але замест сустрэчы адбылася сутычка з адміністратарамі рэстарана, якія спрабавалі не пусціць актывістаў на тэрыторыю. У выніку 4 актывісты былі затрыманыя, у тым ліку і Зміцер Казакевіч. Увечары 3 лістапада яго вызвалілі з пастарунку, а празь дзень выбарчая камісія пазбавіла Казакевіча мандата кандыдата. З таго часу адбылося 3 адміністрацыйныя працэсы, якія скончыліся буйнымі штрафамі і папярэджаннем затрыманых актывістаў.
Каментары