У Стоўбцах п'яная парачка напала на дзяўчыну-следчага і яе калегу-міліцыянта. Прыйшлося выклікаць падмогу
Здарэнне адбылося 24 мая. Раніцай ў Стаўбцоўскі РАУС паступіла заява ад 26-гадовай жанчыны: мінулай ноччу ў кватэры знаёмых ёй ўвялі невядомае рэчыва і згвалцілі. Каб разабрацца ў сітуацыі, на месца здарэння выехалі дзяўчына-следчы і аперупаўнаважаны, паведамляе афіцыйны прадстаўнік МУС Вольга Чамаданава ў сваім тэлеграм-канале.
Праваахоўнікаў сустрэлі 36-гадовая гаспадыня кватэры і яе 45-гадовы госць (абодва неаднаразова судзімыя, у тым ліку за цяжкія злачынствы).
Візуальна і мужчына, і жанчына знаходзіліся ў стане ап'янення, прад'яўлялі прэтэнзіі і перашкаджалі работнікам міліцыі выконваць службовыя абавязкі, пагражалі збіць іх. У выніку жанчына вырвала з рук дзяўчыны-следчага і парвала пастанову на агляд жылля, а на міліцыянта напаў мужчына. У сутычцы апошні адарваў пагон і нанёс аператыўніку некалькі удараў рукамі і нагамі, у тым ліку па галаве.
На месца прыбыла падмога. Калі мужчыну затрымалі, гаспадыня кватэры схапіла нож і стала пагражаць ім, на яе таксама надзелі кайданкі.
Падазраваныя знаходзяцца ў ІЧУ. Іх дзеянням следчымі дадзена прававая ацэнка — распачатыя крымінальныя справы за гвалт і пагрозу прымянення гвалту ў дачыненні да супрацоўніка органаў унутраных спраў.
Сталі вядомыя падрабязнасці таго, як у В'етнаме затрымалі Верамейчыка21
Каментары