Святлана Ціханоўская паразмаўляла праз тэлефон са сваім мужам Сяргеем. Упершыню за 134 дні
«Толькі што адбылася тэлефонная размова Святланы і Сяргея Ціханоўскіх», — паведамляе тэлеграм-канал Святланы.
Нагадаем, што Сяргей Ціханоўскі знаходзіцца ад 29 мая за кратамі.
Як распавёў «Свабодзе» дарадца Святланы Ціханоўскай у міжнародных справах Франак Вячорка, Святлана і Сяргей размаўлялі 12,5 хвілінаў.
Паводле Вячоркі, Сяргей Ціханоўскі сказаў Святлане «быць больш жорсткімі», працягваць сустракацца з сусветнымі лідарамі і працягваць змагацца. У цэлым мэсыдж быў такі, што «нельга здавацца, трэба ісці на большае». Ён сказаў Святлане, што сочыць за ўсімі навінамі.
Таксама Ціханоўскія размаўлялі пра дзяцей, пра сям’ю, ці ўсе цяпер у бяспецы. Сяргей распавёў пра ўмовы ўтрымання і сказаў, што яму трэба перадаць у турму, сказаў, што трошкі паправіўся ў турме.
Франак Вячорка распавёў са слоў Святланы Ціханоўскай, што да гэтай размовы ёй напісала сястра і сказала, што Сяргей шукаў яе нумар, а потым набраў яе сам са схаванага нумара.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары