У Гомелі адбылася калегія Галоўнага ўпраўлення ідэалагічнай работы, культуры і па справах моладзі аблвыканкама, падчас якой за «высокія вынікі ў працы» былі адзначаны прадстаўнікі ідэалагічнай службы, дзеячы культуры і дзяржСМІ. Ім падарылі партрэты Лукашэнкі, заўважаюць Моцныя навіны.
Падводзячы вынікі 2020-га, удзельнікі калегіі адзначылі, з якімі цяжкасцямі ім давялося сутыкнуцца летась. Сярод іх — пандэмія і напружаная грамадска-палітычная абстаноўка ў краіне.
Гаворачы пра палітычную абстаноўку, акцэнтавалі ўвагу на «немалую працу ў інфармацыйным полі».
Адной з найважнейшых задач на гэты год удзельнікі калегіі назвалі працу па патрыятычным выхаванню моладзі, каб «памяталі пра подзвігі дзядоў і прадзедаў».
Завяршылася калегія ўзнагароджаннем прадстаўнікоў ідэалагічнай вертыкалі, устаноў культуры, прадпрыемстваў і супрацоўнікаў СМІ. Былі адзначаны тыя, хто «паказаў высокія вынікі ў працы ў 2020 годзе».
Каментары