Паслязаўтра, 2 мая, праваслаўныя будуць адзначаць Вялікдзень. Звычайна ў суботу і нядзелю ў храмах шмат народу. У суботу, напрыклад, людзі ідуць асвячаць ежу.
У Мінздароўі раяць, у выпадку кашалю, насмарку, павышанай тэмпературы і іншых сімптомаў захворвання адмовіцца ад прысутнасці на службе і ўвогуле наведвання храма.
У выпадку ж наведвання царквы трымацца дыстанцыі 1-,1,5 метра, быць у масках.
Святарам і работнікам царквы важна праводзіць вільготную прыборку памяшканняў, у тым ліку з ужываннем сродкаў дэзінфекцыі.
Акцэнт трэба рабіць на апрацоўцы кантактных паверхняў: дзвярных ручак, парэнчаў, мэблі агульнага карыстання, месцаў для напісання запісак, скрынак і г.д.
Таксама рэкамендуецца апрацоўваць дэзсродкамі іконы ў храме, да якіх прыкладваюцца прыхаджане, але самім наведнікам па магчымасці ўстрымацца ад прыкладання да іх, замяніўшы гэта паклонам.
Рэкамендуецца таксама абмежаваць колькасць наведвальнікаў (не больш за 50% ад запаўняльнасці) або арганізаваць аўдыё-, відэатрансляцыі набажэнстваў.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары