На тэрыторыі нацыянальнага парку недалёка ад Сіднэя дзіўным чынам загінулі дзевяць птушак.
Пасля таямнічай гібелі дзевяці малых блакітных пінгвінаў (Eudyptula minor) на працягу апошніх двух тыдняў на тэрыторыі нацыянальнага парку недалёка ад Сіднэя (Аўстралія), ўлады нанялі дзвюх прафесійных снайпераў ахоўваць пазасталых птушак з гэтай калоніі.
Снайперы ўжо пачалі начное патруляванне тэрыторыі і атрымалі дакладныя інструкцыі наконт таго, як яны павінны дзейнічаць у розных сітуацыях.
Акрамя іх, патруляванне ў цёмны час сутак (калі птушкі апынаюцца ў найбольшай небяспецы) ажыццяўляюць некалькі валанцёраў.
Галоўнымі падазронымі ў забойстве гэтых самых маленькіх у Свеце пінгвінаў (іх рост каля 40 см і вага не большая за 1 кг) ёсць бадзяжныя сабакі і лісы.
Каб павялічыць шанцы на вынішчэнне пінгвініх забойцаў, дадаткова былі расстаўлены лавушкі.
Сэллі Бэйрнс са Службы паркаў і дзікай прыроды Новага Паўднёвага Ўэльсу ўпэйнены, што так ці інакш у людзей атрымаецца прыпыніць далейшыя знікненні пінгвінаў.
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»4
Каментары