Эйсмант абвергла інфармацыю, што Лукашэнка абмяркоўваў з Меркель санкцыі
Аляксандр Лукашэнка не абмяркоўваў з Ангелай Меркель санкцыі і «прызнанне», гэта было б ніжэй за яго годнасць, заявіла «РІА Новості» Наталля Эйсмант.
Раней міністр замежных спраў Эстоніі Эва-Марыя Ліймэтс заявіла, што Лукашэнка высунуў умовай спынення міграцыйнага крызісу на межах ЕС прызнанне яго прэзідэнтам і скасаванне санкцый. Гэтую ўмову ён агучыў Меркель падчас тэлефоннай размовы ў панядзелак.
«Было б ніжэй за годнасць прэзідэнта Лукашэнкі падымаць у ходзе размовы падобныя пытанні ці выстаўляць падобныя ўмовы. Ні аднаго словы аб санкцыях і тым больш аб нейкім «прызнанні» ў ходзе размоў сказана не было. Тым больш, што для беларускага грамадства, якое абрала Лукашэнку прэзідэнтам краіны, такога пытання не існуе», — сказала Эйсмант.
Паводле яе слоў, заява кіраўніка МЗС Эстоніі «азначае, што пра той працэс, які цяпер ідзе па рашэнні праблемы бежанцаў, у Эстоніі ў прынцыпе нічога не ведаюць і нічога ў ім не значаць».
«Кіраўніку МЗС Эстоніі варта было б мець на ўвазе, што стэнаграмы гэтых размоў захоўваюцца як у нас, так і ў Нямеччыне. Хай звяртаюцца да партнёраў па Еўрасаюзе, там ім, магчыма, дадуць праўдзівую інфармацыю», — падкрэсліла Эйсмант.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары