«Узброеныя канфлікты, праліццё крыві — гэта абсалютна не наш выбар, мы не хочам такога развіцця падзей», — сказаў сёння прэзідэнт Расіі на пашыранай калегіі Мінабароны.
ТАСС
Паводле яго слоў, Расія выступае за тое, каб вырашаць пытанні палітыка-дэмакратычнымі сродкамі, але краіне патрэбныя «ясныя, зразумелыя, выразна выкладзеныя юрыдычныя гарантыі».
«Вось у чым сэнс нашых прапаноў, выкладзеных на паперы, і накіраваных у Брусель і ў Вашынгтон», — растлумачыў Пуцін, і выказаў надзею, што Масква атрымае на іх адказ.
Пуцін паведаміў, што Расія бачыць сігналы ад партнёраў, гатовых працаваць над гэтым. Але ў той жа час, па яго словах, ёсць небяспека, што «будзе спроба забалбатаць, пагрузіць у нейкае балота» расійскія прапановы, што не задаволіць Маскву.
Каментары