Расіяне разбамбілі чыгунку, па якой ішла эвакуацыя са Славянска і Краматорска
Расіяне нанеслі авіяўдар па пуцеправодзе каля станцыі Барвінкава на Данецкай чыгунцы. Пра гэта паведаміў в. а. кіраўніка «Укрзалізныці» Аляксандр Камышын.
Вось так выглядае перапоўнены вакзал горада Краматорск у Данецкай вобласці. Людзі бягуць на захад перад пагрозай на гэтым напрамку ўзмацнення расійскага наступлення з перспектывай далучэння да «ДНР»
«Гэта адзіны кантраляваны Украінай выезд па чыгунцы з такіх гарадоў як Славянск, Краматорск і Ліман. Дарога жыцця для дзясяткаў тысяч нашых грамадзян зараз», — сказаў чыгуначны чыноўнік.
За час вайны мільёны ўкраінцаў сталі бежанцамі і ўнутранымі перасяленцамі. Людзі пераважна едуць у адносна бяспечныя заходнія рэгіёны Украіны, а таксама ў суседнія еўрапейскія краіны.
Каментары