«Хто хоча ваяваць, той знаходзіць магчымасць». Былы палітвязень Клюкач далучыўся да палка «Пагоня»
Хутка хлопец збіраецца выправіцца ва Украіну.
Экс-палітзняволены Ціхан Клюкач далучыўся да добраахвотніцкага палка «Пагоня». Пра гэта хлопец распавёў «Нашай Ніве».
Як кажа Ціхан, цяпер ён знаходзіцца на трэніровачнай базе ў Польшчы і хутка плануе выправіцца ва Украіну. Прычыну свайго кроку Ціхан тлумачыць так:
«Вырашыў далучыцца па той жа прычыне, што калісьці сеў у турму, а потым далучыўся да палка Каліноўскага. Мэта адна — свабодная Беларусь. Цяпер барацьба з Расіяй і Пуціным — гэта шлях да перамогі над узурпатарам Лукашэнкам. Ён не мае ніякай палітычнай самастойнасці, ён — толькі «гаўляйтар» Пуціна на тэрыторыі Беларусі».
У канцы мая хлопец з’ехаў ва Украіну, тады ён збіраўся стаць чальцом палка Кастуся Каліноўскага. Але 7 чэрвеня Ціхан паведаміў, што сыходзіць з палка праз асабісты канфлікт з іншым яго ўдзельнікам. Уначы пры змене каравулу хлопец выпадкова здзейсніў стрэл. У пакаранне за гэта яго надзелі ў бронекамізэльку з надпісам «Спытай мяне, чаму я ў броніку». Клюкач палічыў такія меры для сябе зневажальнымі.
Ціхан таксама падзяліўся першымі ўражаннямі ад «Пагоні». Яны ў яго станоўчыя:
«Магу сказаць, што арганізацыя тых жа трэніровак або забеспячэнне рыштункам знаходзіцца на вельмі высокім узроўні. Калі гаварыць пра людзей, якіх я тут сустрэў, то ўсё гэта нашы беларусы, якія абралі шлях збройнай барацьбы і якімі можна толькі захапляцца. А мая барацьба трывае: хто хоча ваяваць, той знаходзіць магчымасць».
«Наша Нiва» — бастыён беларушчыны
ПАДТРЫМАЦЬ«Спадзяюся, мяне прымуць у батальён Каліноўскага». 19-гадовы Ціхан Клюкач — пра катаванні палітвязняў і каханне, пранесенае праз краты
«Я абіраю годнасць». Былы палітвязень Ціхан Клюкач сышоў з палка Каліноўскага
«Камандзір прызначыў яму адэкватнае пакаранне». Полк Каліноўскага пракаментаваў сыход Клюкача
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары
ён стрэліў "выпадкова" па жылым квартале. а раптам у якога старога ці малога папаў? ды шчэ пакрыўдзілася кісейная барышня на вельмі мяккае пакаранне. хіба гістэрычкам месца на вайне?
«Хто хоча ваяваць, той знаходзіць магчымасць» - кажа яна. ёсць такая парода мужычкоў, якім абы пастраляць. і лепш, каб па-сапраўднаму - у жывую істоту - у звера, у чалавека... і няважна, якіх поглядаў, якога веравызнання (пола, узросту) будзе гэты чалавек...
у гарачыя кропкі заўсёды сцягваецца нямала гарачых галоў... і далёка не заўсёды з высакароднымі мэтамі...
а што менавіта ва ўкраінскім канфлікце куль-дур і інш. хапае, як нідзе, кажуць ужо некаторыя заходнія добраахвотнікі, што прайшлі праз Сірыю, Ірак...