Як звярнуць увагу ўсяго свету на праблемы глабальнага пацяплення і павышэнне ўзроўня сусветнага акіяну? На Мальдыўскіх выспах, самай нізкаў адносна ўзроўню мора дзяржаве, знайшлі адметны шлях: там маюць наладзіць паказальнае падводнае паседжанне ўраду.
Ужо колькі тыдняў 14 міністраў гэтай астраўной дзяржавы ў Індыйскім акіяне, бяруць заняткі дайвінга (давання нырца) і вучаць нямую мову нырцоў перад адметным паседжаннем ураду, якая адбудзецца праз тыдзень ніжэй за ўзровень мора.
Прызідэнт Мальдываў Мухамад Нашыд прапанаваў адвесці высокіх урадоўцаў на адлегласць колькі кіламетраў ад берагоў сталіцы Мале, спусціцца на 6 метраў пад воду і там зладзіць нараду. «Наша ідэя — прыкуць увагу сусветнай грамадскасці да праблемаў глабальнага пацяплення і нагадаць усім, наколькі прыкрымі могуць быць яго наступствы», — сказаў мальдыўскі прэзідэнт.
Мінуў які год, як Мухамад Нашыд, што мае пасведчанне прафесійнага нырца, узяў пасаду прэзідэнта: за гэты кароткі час ён зрабіўся ці не самым гучным голасам у сусветнай палітыцы ў справе змагання з глабальным пацяпленнем. Для Мальдываў павышэнне ўзроўню акіяна – праблема жыцця і смерці: у краіне нават распачатая праграма субсідавання новых земляў для мальдыўцаў, на выпадак, калі іх выспы знікнуць з аблічча Зямлі.
Падчас паседжання міністры плануюць падпісаць заклік да ўсіх іншых дзяржаваў скараціць ужыванне вуглекіслага газа. Зварот мальдыўцаў прытырнаваны да камісіі ААН па ахове асяроддзя, якая адбудзецца ў Капенгагену ў снежні 2009 ды на якой плануецца падпісаць новы, больш жорсткі, экалагічны пратакол, які замяніць стары, Кіёцкі.
Паседжанне пад вадой мае ісці спраўным шляхам, абы толькі не адведалі яго хіжыя акулы пяра!
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў8
Каментары