Сенсацыйная развязка ў групе Е. Зборная Японіі выйграла ў Іспаніі з лікам 2:1. Прычым японцы саступалі пасля першага тайма 0:1.
Фота: Petr David Josek / AP
У выніку яны занялі першае месца ў групе. Нагадаем, што японцы перамаглі Германію 2:1 і прайгралі Коста-Рыцы (0:1).
А Коста-Рыка сёння прайграла Германіі 2:4, але які быў матч! Костарыканцы саступалі пасля першага тайма 0:1, павялі ў сярэдзіне другога — 2:1, але ўтрымаць перамогу не здолелі.
Японія — 6, Іспанія — 4, Германія — 4, Коста-Рыка — 3.
У 1/8 фіналу выйшлі Японія і Іспанія. Іспанцы вышэй за Германію за кошт лепшай розніцы мячоў (9:3 супраць 6:5). Паміж сабой яны згулялі ўнічыю (1:1).
У плэй-оф Японія згуляе з Харватыяй, а Іспанія з Марока.
Каментары