Культура33

Апісалі маёмасць маёнтка «Падароск». У яго аднаўленне ўкладаліся прыватныя інвестыцыі

З 2013 года ў аднаўленне гісторыка-культурнай каштоўнасці ўклалі больш за мільён даляраў. Планавалася, што ў маёнтку «Падароск» будзе музей беларускай шляхты. Ужо праходзілі экскурсіі.

Маёнтак «Падароск». Фота: facebook.com/majontak.padarosk

Пра апісанне маёмасці ў маёнтку «Нашай Ніве» паведаміў былы дырэктар турыстычнага прадпрыемства «Падароск» Андрэй Колас, які цяпер у эміграцыі. Ён расказаў, што маёнтак 14 снежня наведалі супрацоўнікі некалькі дзяржаўных службаў.

«Яны апісалі стан, у якім цяпер знаходзіцца маёнтак», — адзначыў Андрэй Колас.

Далей маёнтак будзе перададзены на баланс аддзела культуры Ваўкавыскага райвыканкама, дзе ён знаходзіўся да 2013 года.

Ваўкавыскі суд пастанавіў скасаваць дамову набыцця Паўлам Падкарытавым маёнтка нібыта «з-за невыканання ўмовы па ўводзе аб’ектаў у гаспадарчы абарот». Рашэнне аб скасаванні дамовы суд прыняў на пазоў аддзела культуры Ваўкавыскага райвыканкама.

Падкарытаў называў рашэнне незаконным. Паводле бізнэсоўца, патрабаваных законам акалічнасцяў, дастатковых для скасавання дамовы, не было. А справу мусіў бы разглядаць Эканамічны суд Гродзенскай вобласці, а не раённы суд.

Праблемы ў турыстычнага прадпрыемства «Падароск» з'явіліся летась, калі затрымалі кіраўніка Юрыя Меляшкевіча.

Пад крымінальны пераслед трапілі таксама фінансавы дырэктар Зміцер Карабач і бухгалтарка Вольга Балтрукевіч. Ім выставілі абвінавачанне ў нясплаце падаткаў і страхавых унёскаў з заробкаў работнікаў амаль на 400 000 рублёў. Юрый Меляшкевіч правёў пад вартай паўгода і ў красавіку 2023 года быў вызвалены пад паруку.

Крыніца, знаёмая з сітуацыяй, адзначала тады, што справа супраць кіраўніцтва прадпрыемства палітычна матываваная.

Паводле яе, да падзей 2020-га «Маёнтак Падароск» працаваў добра, адносіны з уладамі былі нармальныя, прэтэнзій, у тым ліку эканамічных, не ўзнікала. З 2020-га стала зразумела, што калі-небудзь лёс рэпрэсій напаткае і «Маёнтак Падароск».

Сядзіба ў Падароску, што ў Ваўкавыскім раёне, у даўнейшыя часы належала роду Чачотаў і Бохвіцаў.

Занядбаны фальварак у 2013 годзе выкупіў за 118 тысяч даляраў расійскі інвестар з беларускімі каранямі Павел Падкарытаў.

Пакуль не пачаліся праблемы, у аднаўленне гісторыка-культурнай каштоўнасці было ўкладзена больш за 1 мільён даляраў. Быў упарадкаваны парк, будынкі, зроблена брама, дарога. Уведзеная сістэма каналізацыі і фільтрацыі.

Планавалася, што ў сядзібе будзе створаны музей беларускай шляхты. Там была разгорнутая часовая экспазіцыя. Было адкрыта 14 пакояў. Праходзіла шмат экскурсій.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Легенды Падароска: што адбываецца ў маёнтку, які выкупіў бізнэсовец пад Музей беларускай шляхты ШМАТ ФОТА

Расійскі бізнэсоўца скупляе беларускія сядзібы

«Апавядаць пра Беларусь — частка нашага сэрвісу». Сёстры-беларускі жывуць у Бразіліі і робяць тату з нацыянальным арнаментам

Сядзібу Абуховічаў у Нясвіжскім раёне зачысцілі ад гістарычных будынкаў

«Тут няма людскіх крам». Як жывецца на паўвостраве ля Свіслачы ў цэнтры Мінска

Каментары3

  • Калматы Вожык
    15.12.2023
    Далей маёнтак будзе перададзены на баланс аддзела культуры Ваўкавыскага райвыканкама, дзе ён знаходзіўся да 2013 года.



    Мільён даляраў уклалі ў рамонт! Можна
    забіраць?


    Калгасная галыцьба дарвалася да ўлады!
    Забраць! Канфіскаваць! Падзяліць! Пасадзіць!

    Ну, хто там яшчэ  хоча купіць палац і адрэстаўраваць???
  • Жора
    16.12.2023
    Класіка. Лахоў абстрыглі і кінулі. Лохі спрабуюць гуляцца ў законы і судзяцца. Ну, на тое яны і лохі.
  • колер лукашызма карычневы
    16.12.2023
    Пачаліся раскулачванні, далей 37 год

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Зяленскі прапанаваў правесці трохбаковую сустрэчу з Пуціным і Трампам

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску10

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну6

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць