Амаль у кожнай шостай беларускай сям'і ёсць цяжкасці з нараджэннем дзяцей
Такой статыстыкай падзялілася загадчыца лабараторыі праблем здароўя дзяцей і падлеткаў РНПЦ «Маці і дзіця» Маргарыта Дзевялтоўская.
Складанасці з нараджэннем дзяцей адчуваюць ад 15 да 17 працэнтаў беларускіх сем'яў.
Праблемы, якія абцяжарваюць нараджэнне дзяцей, у мужчын і жанчын сустракаюцца прыкладна ў роўнай ступені — такія звесткі дае «Маці і дзіця», піша Tochka.
У 2023 годзе ў Беларусі правялі 1880 цыклаў ЭКА. Па законе, першая такая працэдура праводзіцца бясплатна. За 20 гадоў выкарыстання дапаможных рэпрадуктыўных тэхналогій нарадзіліся больш за 10 тысяч дзяцей. Прычым ёсць сем'і, дзе пасля ЭКА нарадзіліся некалькі дзяцей.
Паводле звестак намесніка міністра працы і сацыяльнай абароны насельніцтва Валерыя Кавалькова, у Беларусі амаль 124 тыс. шматдзетных сем'яў, у якіх выхоўваецца 405 тыс. дзяцей. У такіх сем'ях выхоўваецца кожнае чацвёртае дзіця.
Каментары