Беларусь возьме ўдзел у конкурсе «Інтэрбачанне», які арганізуюць у Расіі ў якасці свайго адказу «Еўрабачанню». Пра гэта заявіў спецпрадстаўнік Уладзіміра Пуціна па міжнародным культурным супрацоўніцтве Міхаіл Швыдкой. Паводле яго слоў, заяўкі паступаюць з многіх краін, піша «РИА Новости».
«Гэта і Лацінская Амерыка, і Цэнтральная Азія, і краіны СНД, і, наколькі мне вядома, нейкія нават асобныя еўрапейскія дзяржавы выказваюць цікавасць, пацвердзілі ўдзел і КНР, і Беларусь, і Азербайджан, і Казахстан, і Куба, і Бразілія», — адзначыў Швыдкой.
Конкурс павінен прайсці ў канцы 2024-га ці ў пачатку 2025 года.
Раней кіраўнік «Першага канала» Канстанцін Эрнст прапаноўваў зрабіць конкурс штогадовым.
Нагадаем, Беларусь і Расія адхіленыя ад удзелу ў штогадовым конкурсе «Еўрабачанне».
Арыгінальнае «Інтэрбачанне» праводзілася ў 70-я-80-я гады мінулага стагоддзя пад эгідай савецкага і польскага тэлебачання.
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары
І, дарэчы, былы міністар, інтэлігентны такі, скокаў і спеваў як прыдаўся, га?! Былыя і дзейсныя міністры скокаў і спеваў, яны прыдатныя да ўсяго. Зрэшты, дзяржсэктар ўвесь прыдатны да ўсяго