У польскай пракуратуры паведамілі, дзе забойца беларускі Лізы возьме $48 тысяч на кампенсацыю
Акруговы суд Варшавы прызначыў пажыццёвае зняволенне 23-гадоваму Дор'яну С. за згвалтаванне і забойства беларускі Лізы Герцэн, а таксама абавязаў яго выплаціць кампенсацыю пацярпеламу боку. У Акруговай пракуратуры Варшавы растлумачылі «Белсату», як ён зможа, знаходзячыся за кратамі, выплаціць гэтыя грошы.
Пацярпелым па гэтай справе прызнаны хлопец Лізы. Суд пастанавіў выплаціць яму 200 тысячаў злотых (у пераліку каля 48 тысяч даляраў).
Прэс-сакратар Акруговай пракуратуры Варшавы Пётр Антоні Скіба паведаміў «Белсату», што асуджаны Дор'ян С. можа ўладкавацца на працу ў турме і сплачваць кампенсацыю з заробку:
«Асуджаны можа працаваць у папраўчай установе, і кампенсацыя можа быць спагнаная з гэтых сродкаў, гэтаксама як і з уласнасці, што ён мае».
Скіба таксама ўдакладніў, што прысуд Акруговага суда Варшавы яшчэ не набыў законную моц:
«Прысуд не з'яўляецца канчатковым. Калі будзе пададзеная апеляцыя, то прысуд стане канчатковым пасля таго, як апеляцыя будзе разгледжаная, а вышэйстаячы суд зацвердзіць прысуд».
Пракуратура абскарджваць пажыццёвае зняволенне для 23-гадовага Дор'яна С. не будзе:
«Паводле пракурора, прысуд з'яўляецца справядлівым».
Пра планы падаць апеляцыю раней паведамілі адвакаты фігуранта справы. Яны сцвярджаюць: не было даказана, што ён быў у стане свядомасці ў момант злачынства.
«Гэты працэс быў праведзены, можна сказаць, экспрэс-метадам, беспрэцэдэнтным ва ўмовах польскай судовай сістэмы, што мае быць заўважана. На наш погляд, пастанова суда заўчасная. Шэраг сумневаў абароны і шэраг доказаў не былі зняпраўджаныя падчас судовага разбору».
Злачынства ў цэнтры Варшавы адбылося ў ноч на 25 лютага 2024 года. Паводле матэрыялаў следства, Дор'ян С. згвалтаваў беларуску і намагаўся яе задушыць. Дзяўчыну шпіталізавалі ў крытычным стане, праз шэсць дзён яна памерла.
Пракурор запатрабаваў пажыццёвага зняволення для абвінавачанага ў забойстве беларускі Лізы ў Варшаве
Хлопец, якога абвінавачваюць у згвалтаванні і забойстве беларускі ў Варшаве, прызнаў віну часткова
У кватэры падазраванага ў згвалтаванні беларускі ў Варшаве знайшлі кнігу пра сэксуальныя злачынствы
У Варшаве развітваюцца са згвалтаванай і забітай беларускай. На пахаванні быў Пазняк з жонкай ФОТА
«Яе звалі Ліза». У Варшаве прайшоў Марш у памяць аб згвалтаванай і забітай беларусцы РЭПАРТАЖ
«Для вас ён звер, а для мяне сын». Бацька гвалтаўніка, які забіў беларуску, пракаментаваў трагедыю і выклікаў абурэнне
Каментары