Выступаючы ў Авальным кабінеце падчас сустрэчы з генеральным сакратаром НАТА Маркам Рутэ, прэзідэнт ЗША Дональд Трамп заявіў, што Вашынгтон увядзе суровыя санкцыі супраць Расіі і яе гандлёвых партнёраў, калі цягам 50 дзён не будзе дасягнута пагадненне аб спыненні агню ва Украіне. Ён паабяцаў таксама масавыя пастаўкі зброі.
«Мы збіраемся ўвесці вельмі строгія мыты, калі не будзе заключана пагадненне праз 50 дзён. Мыты, якія складаюць каля 100%, мы называем іх другаснымі тарыфамі», — заявіў Трамп.
Генеральны сакратар Марк Рутэ, са свайго боку, падкрэсліў, што калі б ён быў на месцы Пуціна, то пасля заявы Трампа пра 50 дзён «падумаў бы, ці не трэба сесці за стол перамоў з Украінай».
Таксама, паводле слоў Трампа, ЗША і НАТА дасягнулі дамоўленасці аб пастаўках зброі Украіне. Выдаткі лягуць на еўрапейскія краіны, а Амерыка забяспечыць вытворчасць, заявіў Трамп. Каардынацыяй паставак зоймецца НАТА.
Трамп зноў сказаў, што расчараваны ва Уладзіміры Пуціне, бо думаў, што пагадненне будзе заключана яшчэ два месяцы таму, але справа да гэтага так і не дайшла.
«Гэта ўсе размовы, а потым ракеты ляцяць у Кіеў і забіваюць людзей», — заявіў ён, каментуючы сітуацыю вакол Украіны.
Ён паабяцаў сур'ёзна узброіць Кіеў, то-бок падтрымаць так, каб Украіна адчула, што стала мацнейшай.
Паводле слоў Трампа, 17 сістэм Patriot рыхтуюцца да адпраўкі ва Украіны. І хоць украінцам, маўляў, не будуць патрэбныя адразу ўсе, але вялікая колькасць гэтых сістэм будуць на полі бою.
«Гаварыце што хочаце пра Украіну, але ў пачатку вайны ў іх не было шанцаў. У іх і не было б шанцаў без нашага ўзбраення, самага найлепшага ў свеце, але ў іх была смеласць, смеласць выкарыстоўваць зброю», — сказаў Трамп.
ЗША збіраюцца перадаць Кіеву крылатыя ракеты JASSM
Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны
Трамп сёння абвесціць пра новы план узбраення Украіны
Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа
Ціханоўская: Трампу вельмі цяжка мець справу з Расіяй, але Беларусь для яго — як нізка вісячы фрукт
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары
Интересно, сколько дней ещё должен путин бросать говна а лицо лапидара, чтобы тот перестал давать фору и возможность перестроиться и адаптироваться другу владимиру ?
Да и поговаривают, что страшный закон о санкциях, привели к виду, что тот перестал быть страшным, но, зато можно выжать много шума и пиара на нём.
Падтрымка дарэчы на сення зараз
Астатняе ..усе як дагэтуль