У Індыі загінуў найстарэйшы марафонец у свеце — 114-гадовы Фауджа Сінгх. Як паведамляе Hindustan Times, ён трапіў пад аўтамабіль у сваёй роднай вёсцы Біяс Піндэ, што ў штаце Пенджаб. Трагічны выпадак адбыўся, калі мужчына пераходзіў дарогу недалёка ад дому.
Фауджа Сінгх
Фауджа Сінгх пачаў займацца бегам толькі ў 89 гадоў. Першы марафон ён прабег у 2000 годзе, а ўжо ў 2003-м усталяваў асабісты рэкорд: фінішаваў у канадскім Таронта з вынікам 5 гадзін 40 хвілін.
У 2011 годзе Сінгх стаў першым у гісторыі стогадовым марафонцам. Таксама яму належаць найлепшыя вынікі на кароткіх дыстанцыях сярод бегуноў, старэйшых за 100 гадоў.
У 2012 годзе Сінгх нёс алімпійскі агонь падчас Алімпіяды ў Лондане. Завяршыў сваю спартыўную кар’еру ён ва ўзросце 101 года.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары