Лёсаванне галоўнага клубнага футбольнага турніру пройдзе сёння.
Вызначыліся ўсе ўдзельнікі асноўнага раўнду Лігі чэмпіёнаў. Апошнімі камандамі, што прайшлі кваліфікацыю, сталі «Бенфіка», «Карабах», «Бруге» і «Капенгаген».
У асноўным раўндзе згуляюць 36 клубаў:
«Ліверпуль», «Арсенал», «Манчэстэр Сіці», «Чэлсі», «Тотэнхем», «Ньюкасл», ПСЖ, «Марсель», «Манака», «Барселона», «Рэал», «Атлетыка Мадрыд», «Атлетык Більбаа», «Вільярэал», «Баварыя», «Баер», «Айнтрахт», «Барусія Дортмунд», «Спортынг», «Юніён», «ПСВ», «Аякс», «Алімпіякас», «Напалі», «Інтэр», «Аталанта», «Ювентус», «Славія Прага», «Галатасарай», «Кайрат», «Будэ-Глімт», «Пафас», «Карабах», «Бруге», «Капенгаген», «Бенфіка».
Лёсаванне галоўнага клубнага футбольнага турніру пройдзе сёння ў Манака і пачнецца а 19-й па мінскім часе.
Як і год таму, яно адбудзецца па новай сістэме, без звыклага падзелу на групы, а кожны клуб атрымае па восем супернікаў. Першы тур — 16-18 верасня, апошні — 28 студзеня.
У кваліфікацыі Лігі чэмпіёнаў брала ўдзел мінскае «Дынама», якое вылецела ў другім раўндзе, прайграўшы балгарскаму «Лудагорцу», а потым і з Лігі канферэнцый, двойчы саступіўшы албанскай «Эгнаціі».
У еўракубках застаўся толькі «Нёман». Сёння ў плэй-оф кваліфікацыі Лігі канферэнцый гарадзенцы згуляюць з іспанскай «Рая Вальекана» (першы матч 0:1 на карысць іспанцаў). Пачатак матча а 21-й.
Цяпер чытаюць
Ціханоўскі ў Ельскім універсітэце прапанаваў тры элементы стратэгіі ЗША наконт Беларусі26
Каментары