Хуткасную чыгунку ў аэрапорт Мінск пачалі будаваць. Вось фоты з месца работ
Некалькі тыдняў таму стала вядома, што будзе чыгунка ў Нацыянальны аэрапорт.
На сайце дзяржаўных закупак з’явіліся першыя тэндары на выкананне падрыхтоўчых работ для будаўніцтва. Першы тэндар — высечка і перасадка дрэў і хмызнякоў, другі — вынас сетак газазабеспячэння. Гэтыя работы планавалі пачаць ужо ў гэтым годзе: высечку дрэў трэба правесці да канца лістапада 2025-га.
Блогер і краязнаўца Дзяніс Блішч заўважыў, што работы ўжо ідуць.
Ён піша: «Падаецца, пачалося будаўніцтва чыгункі ў аэрапорт. Земляныя работы ўжо вядуцца ў раёне пасёлка Гарадзішча і садовага таварыства «Ветэран Вайны». Месцамі толькі высечаны дрэвы, а месцамі ўжо ўзняты насып пад дадатковы пуць. Дзе-нідзе тут лінія павінна адгалінавацца ад асноўнага ходу Мінск — Орша, нейкая адлегласць ісці паралельна яму, а пасля павярнуць на аэрапорт і прайсці ўздоўж трасы М2».
Прагназуецца, што чыгунка пройдзе па існуючым маршруце ад станцыі Мінск-Пасажырскі праз Калодзішчы да станцыі Гарадзішча, пасля якой у бок аэрапорта дабудуюць 18 км новых чыгункавых пуцей. Працягласць маршруту складзе 41,8 км, арыенціровачны час у шляху ад канца да канца — 28‑30 хвілін.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў4
Каментары