Блогер з Барысава Аляксей Арбузаў нядаўна выставіў у сацсетках ролік з лесу, у якім абвінаваціў мясцовых леснікоў у «масавай высечцы». Пазней лясгас даў тлумачэнне, што гэта былі звычайныя санітарныя работы, блогер прызнаў, што памыліўся, выдаліў відэа і нават паабяцаў закрыць свае акаўнты. Але рэпрэсіўнай машыне супраць яго ўжо быў дадзены ход, цешацца на сваіх рэсурсах прапагандысты.
Праз некаторы час стала вядома, што мужчыну затрымалі. Фармальнай прычынай для гэтага назвалі не відэаролік пра лес, а «грахі» пяцігадовай даўніны. Сілавікі знайшлі, што ў 2020 годзе Аляксей паставіў лайк на відэа з бел-чырвона-белай сімволікай у «Аднакласніках».
Спробы запэўніць, што ён лаяльны ўладам, не дапамаглі — суд прызнаў Аляксея Арбузава вінаватым у дэманстрацыі незарэгістраванай сімволікі і прысудзіў 15 сутак адміністрацыйнага арышту.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары