У жыхаркі Брэста скралі даражэзную брэндавую сумачку. Прынамсі яна ў гэта шчыра верыла
Святкаванне дня нараджэння ў начным клубе для 32‑гадовай дзяўчыны абярнулася непрыемнасцямі. Першая з якіх — крадзеж сумкі Louis Vuitton з больш чым трыма тысячамі рублёў.
Як высветлілася, жанчына забыла сумку на лаўцы каля начнога клуба, а вярнуўшыся, выявіла яе адсутнасць. Па словах пацярпелай, скрадзеная рэч была набытая мужам у Парыжы ў фірмовай краме люксавага брэнда за 3800 еўра.
Органам удалося злавіць падазраваных у крадзяжы. Імі аказаліся мужчына 1985 года нараджэння і дзяўчына 2003 года нараджэння. Маладыя людзі пазнаёміліся напярэдадні, таму, пабачыўшы пакінутую сумку з грашыма, прышылі ёй ногі. Частку грошай на момант затрымання яны паспелі патраціць.
Разам з тым сумка была накіравана ва ўпраўленне Дзяржкамітэта судовых экспертыз па Брэсцкай вобласці для правядзення таваразнаўчай экспертызы.
У ходзе даследавання эксперт устанавіў, што сумка з маркіровачнымі абазначэннямі Louis Vuitton не з’яўляецца арыгінальнай прадукцыяй указанай гандлёвай маркі. Кошт вырабу спецыялісты ацанілі ў 101 рубель.
Такая навіна стала нечаканасцю для ўладальніцы вырабу.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары
Нехта ў міліцыі любіць серыялы і фільмы 00-х.