З «памілаванага» ксяндза Генрыха Акалатовіча хочуць спагнаць вялізны штраф
Больш за тыдзень мінуў пасля вызвалення праз памілаванне Лукашэнкам палітзняволеных беларускіх каталіцкіх святароў — Генрыха Акалатовіча і Анджэя Юхневіча. Абодва ксяндза цяпер у Ватыкане, але пераслед іх у Беларусі не спыняецца, піша Katolik.life.
Вернікі даведаліся, што ксяндза Генрыха Акалатовіча чакае новы суд у Беларусі. Гаворка ідзе пра забарону яму выезду за мяжу, нягледзячы на тое, што ён ужо знаходзіцца за межамі краіны. Суд у Баранавіцкім раёне прызначаны на 2 снежня.
Прычынай абмежавання стаў вялікі доўг, прыпісаны святару. Раней, па абвінавачванні ў «здрадзе дзяржаве», яго асудзілі на 11 гадоў пазбаўлення волі і абавязалі выплаціць шкоду дзяржаве ў памеры 1,7 мільёна рублёў (прыкладна 500 тысяч еўра). У сувязі з гэтым быў накладзены арышт на маёмасць і буйныя сумы грошай, знойдзеныя пры затрыманні. Вядома, аднак, што маёмасць належыць парафіі, а большая частка грошай — сваякам святара, а не яму асабіста.
Усё гэта выглядае дзіўна, бо афіцыйна паведамлялася пра памілаванне ксяндза Акалатовіча. Выходзіць, што «памілаванне» было толькі частковым і не закранула фінансавыя абавязкі.
Абодва вызваленыя ксяндзы пакуль застаюцца ў Ватыкане, сувязі з імі няма — яны не могуць кантактаваць з прэсай і ўдзельнічаць у афіцыйных сустрэчах. На апошняй генеральнай аўдыенцыі Папы Рымскага перад яго паездкай у Турцыю беларускія святары заўважаныя не былі.
Цяпер чытаюць
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж2
Каментары
А зараз пераабуўся і вінаваціць беларусаў за тое, ўва што сам уляпаўся.
Сутнасць яго прапаганды - дрэнна прыхаваны расізм. Бо ўсе злачынствы Лукашэнкі і карнікаў ён прывязвае да нібыта неад'емных якасцей беларускага народу, "Этнасу", "Калектыўнай Душы".
Які механізм захавання дрэнных якасцей у беларусах, не расказвае. Бо каб не толькі адказаць на гэтае пытанне, а нават зразумець яго ключавую важнасць для ўсёй "тэорыі", патрэбны мінімальная логіка і навуковы падыход.
У цемрашалаў-расістаў усё прасцей: нарадзіўся "няправільнай" нацыянальнасці - загадзя вінаваты.
Тое, што ён піша, класіфікуецца ў большасці краін свету як крымінальнае злачынства - распальванне міжнацыянальнай варожасці.