«Прыйшоў час Еўропе прыняць рашэнне адносна замарожаных актываў, калі Масква не хоча адмовіцца ад удараў дронамі і ракетамі», — напісаў Уладзімір Зяленскі.
Уначы Расія нанесла ўдар па Кіеве. Да 29‑ці узрасла колькасць пацярпелых у выніку начной атакі на горад, паведаміў у тэлеграме мэр Віталь Клічко. 19 з іх знаходзяцца ў стацыянарах медустаноў горада.
Загінулі два чалавекі. Аднаго дасталі з-пад завалаў у Святошынскім раёне, дзе адбылося трапленне ў пад’езд трохпавярховага жылога дома. Яшчэ адзін чалавек загінуў у Дарніцкім раёне Кіева, дзе ў выніку падзення ракеты ў двары дзевяціпавярховіка ўзнік пажар з пятага па сёмы паверх.
«Прыйшоў час Еўропе прыняць рашэнне адносна замарожаных актываў, калі Масква не хоча адмовіцца ад удараў дронамі і ракетамі. І дакладна трэба гаварыць з усімі партнёрамі пра крокі, каб гэтую вайну скончыць. Дзякуй усім, хто дапамагае», — напісаў у сваім тэлеграм-канале Уладзімір Зяленскі.
Цяпер чытаюць
У беларускія пашпарты будуць упісваць групу крыві11
Каментары
Так яны ўжо прынялі рашэнне.