Колькі тыдняў пасля гучнага абрабавання ў Луўры — новыя непрыемнасці: у бібліятэцы музея адбыўся працёк вады, у выніку чаго пацярпелі кнігі.
Намеснік адміністратара музея Фрэнсіс Стэйнбок паведаміў, што ад працёку пацярпела ад 300 да 400 прадметаў, пераважна кнігі, падлік яшчэ працягваецца, піша Бі-бі-сі.
Паводле яго, працечка адбылася ў аддзеле егіпталогіі — пацярпелі кнігі, якімі карыстаюцца егіптолагі, але ніводнае каштоўнае выданне не пацярпела. Гэта навуковая дакументацыя і часопісы па егіпталогіі канца XIX — пачатку XX стагоддзя.
«Ніводны прадмет культурнай спадчыны не пацярпеў», — запэўніў Стэйнбок.
Паводле ягоных словаў, кнігі будуць высушаныя, пераплеценныя, адноўленыя і вернутыя на паліцы. «На гэты момант у нас няма незваротных або канчатковых страт», — падкрэсліў ён.
Паводле інфармацыі Bloomberg, прычынай стаўся праз памылку адкрыты клапан у гідраўлічнай сістэме ацяплення і вентыляцыі бібліятэкі. Сістэма была састарэлай і ўжо некалькі месяцаў адключаная, яе планавалі замяніць.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары