Жыхар ЗША Пол Чэлья (Paul Ceglia) падаў у суд на кампанію Facebook. Чэлья лічыць, што яму па праву належаць 84% сацыяльнай сеткі. Суддзя, які разбірае пазоў, наклаў часовую забарону на любыя аперацыі па перадачы актываў Facebook.
У заяве пазоўнік спасылаецца на дамову, заключаную з заснавальнікам Facebook Маркам Цукербергам 28 красавіка 2003 г. Паводле гэтай дамовы, Чэлья замовіў Цукербергу распрацоўку і дызайн сайта за 1000 долараў. Пры гэтым Чэлья атрымліваў права на 50% сайта.
Кантракт таксама прадугледжваў павелічэнне долі Чэльі ў бізнесе на адзін працэнт ад пачатковай за кожны дзень пратэрміноўкі з 1 студзеня 2004 года. Пазоў зыходзіць з даты 4 лютага 2004 года, калі кантракт нібыта даў Чэльі права на 84% Facebook.
Прадстаўнікі Facebook ўжо заявілі, што лічаць пазоў неабгрунтаваным і будуць аспрэчваць яго. Чэлья і яго прадстаўнікі ўласны пазоў не каментуюць. Аб самім Чэлья вядома толькі тое, што ў 2009 годзе ён быў абвінавачваным у справе аб махлярстве з драўнянымі паліўнымі грануламі. Чэлья сабраў з заказчыкаў 200 тысяч долараў, але так і не паставіў ім абяцаныя гранулы.
Facebook з’яўляецца найбуйнейшай у свеце сацыяльнай сеткай. У ёй зарэгістравана каля 500 мільёнаў карыстальнікаў. Штогадовы даход рэсурсу ад рэкламы па розных ацэнках складае каля мільярда долараў.
Цяпер чытаюць
Асуджаны за «Гаюн» да хіміі брат Ігара Лосіка ўцёк з Беларусі1
Каментары