На яе афармленьне спатрэбіцца ўсяго некалькі гадзін
Пасольства Польшчы ў Беларусі ўвяла новую форму віз для грамадзян, якім трэба тэрмінова трапіць у гэту краіну, але няма часу на доўгае афармленьне дакумэнтаў. Экспрэс-віза можа быць зроблена за некалькі гадзін, консульскі збор за яе выдачу складзе $38.
Як паведамілі карэспандэнту БЕЛТА ў пасольстве Польшчы ў Беларусі, цяпер аднаразовая звычайная віза каштуе $6, шматразовая – $30. Да ўступленьня Польшчы ў Шэнгенскую зону, якое заплянавана на сьнежань 2007 г. – сакавік 2008 г., памер консульскіх збораў застанецца ранейшы. Пасьля далучэньня да Шэнгенскага пагадненьня Польшча вымушана будзе ўсталяваць цану ў 60 эўра. Аднак яна гатова разгледзець пытаньне пра кошт віз для асобных катэгорый беларускіх грамадзян, адзначылі ў дыппрадстаўніцтве.
Штодзённа консульскі аддзел выдае каля 500 візаў. У цэлым колькасьць выдадзеных віз за 2006 г. наблізіцца да 100 тыс.
На пэрыяд калядных сьвятаў дакумэнты на атрыманьне візы можна будзе здаць у любы рабочы дзень, апроч 26 сьнежня, паведамілі ў польскім пасольстве.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
Цяпер чытаюць
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары