Суд Ленінскага раёна Гродна аштрафаваў гарадзенскага карэспандэнта Міхала Карневіча на 1 мільён 50 тысяч рублёў нібыта за ўдзел у несанкцыянаванай акцыі 3 ліпеня. Гэта адбылося нягледзячы на тое, што ў суд быў прадстаўлены дакумент, што Міхал выконваў рэдакцыйнае заданне.
Міхал Карневіч збіраецца абскардзіць гэтае рашэнне ў абласным судзе, бо лічыць сваю справу сфабрыкаванай:
«Сёння на працэс прыйшоў другі сведка-міліцыянт, які быў не ўпэўнены, ці затрымліваў ён мяне, сказаў толькі, што яму знаёмы мой твар. Не мог адказаць на пытанні, у што я быў апрануты, дзе знаходзіўся, не мог патлумачыць, калі і як ён складаў на мяне пратакол. Пасля ўсяго гэтага суддзя Дзьмітры Кедаль апусціў галаву і сказаў: «30 базавых. Калі не згодныя — абскарджвайце».
Журналіста Свабоды затрымалі падчас маўклівай акцыі 3 ліпеня і абвінавацілі ў тым, што ён браў удзел у несанкцыянаваным шэсці.
«Я выконваў там свае службовыя абавязкі, знаходзіўся на вуліцы Савецкай і з боку проста рабіў фатаздымкі. У шэсці ўдзелу не браў. Мяне тады забралі, нягледзячы на тое, што я прад’явіў сваю акрэдытацыю, і ў пастарунку склалі пратакол. У судзе ўжо сведчыў першы сведка, якога я не бачыў. Ён сказаў, што забіраў мяне на іншым баку вуліцы, дзе я наагул не быў. Сёння ў судзе паказалі відэа, дзе я крыху мільгануў, дзе я проста раблю здымак. Міліцыянт, які мяне затрымліваў, напісаў, што затрымліваў мяне разам з тым жа сведкам і што я браў удзел у шэсці. Я запатрабаваў, каб у суд выклікалі міліцыянта, які пісаў рапарт і які мяне затрымліваў».
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары