«За правіннасці, якія дыскрэдытуюць званне ваеннаслужачага».
Аляксандр Лукашэнка вызваліў генерал-маёра Сяргея Лемяшэўскага ад пасады камандуючага Ваенна-паветранымі сіламі і войскамі супрацьпаветранай абароны Узброеных сіл «за правіннасці, якія дыскрэдытуюць званне ваеннаслужачага», паведамляе прэс-служба прэзідэнта Беларусі.
Лемяшэўскі звольнены з ваеннай службы ў запас «у сувязі з сістэматычным невыкананнем ім умоў кантракта».
Сёння ж Лукашэнка падпісаў указ аб прызначэнні новым камандуючым ВПС і войскамі СПА генерал-маёра Дзмітрыя Пахмелкіна.
Таксама ўказам прэзідэнта палкоўнік Алег Горбач вызвалены ад пасады начальніка Нацыянальнага агенцтва па кантролі і інспекцыях — дэпартамента Міністэрства абароны і залічаны ў распараджэнне міністра абароны Беларусі.
Генерал-маёр міліцыі Сяргей Гурэеў вызвалены ад пасады намесніка міністра ўнутраных спраў — начальніка папярэдняга расследавання і звольнены з органаў унутраных спраў у запас Узброеных сіл па скарачэнні колькасці або штату з правам нашэння ўстаноўленай формы адзення і знакаў адрознення.
Распараджэннем кіраўніка дзяржавы генерал-маёр міліцыі Леанід Фармагей звольнены з органаў унутраных спраў у запас Узброеных сіл па хваробе з правам нашэння ўстаноўленай формы адзення і знакаў адрознення. Нагадаем, інфармацыя аб тым, што Фармагей напісаў рапарт аб звальненні па стане здароўя, з'явілася ў інтэрнэце яшчэ 30 студзеня.
Генерал-маёр Сяргей Лемяшэўскі быў прызначаны камандуючым Ваенна-паветранымі сіламі і войскамі супрацьпаветранай абароны Узброеных сіл Рэспублікі Беларусь 6 мая 2011 года. у той самы дзень ён быў вызвалены ад пасады начальніка Галоўнага штаба — першага намесніка камандуючага ВПС і войскамі СПА.
Нарадзіўся 27 кастрычніка 1962 года ў горадзе Карталы Чалябінскай вобласці. У 1984 годзе з адзнакай скончыў Мінскае вышэйшае інжынернае зенітнае ракетнае вучылішча СПА.
Папярэдні кіраўнік ВПС Азаронак сядзіць у турме. Яго асудзілі за хабар.
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары